„Öfgar kveðja aktívismann. Það er alltaf erfið ákvörðun að kveðja það sem þú hefur lagt líf, sál og heilsuna þína í. Sagan segir okkur þó að þegar samfélagið þarf á því að halda að þá verður til nýtt feminískt afl. Við erum stoltar af okkar framlagi og við erum þakklátar fyrir allan þann stuðning og traust sem okkur var úthlutað,“ segir í færslunni.
Hópurinn hefur verið áberandi á undanförnum árum í umræðunni um kynbundið áreiti og ofbeldi.
„Þetta hefur verið ferðalag hlaðið af tilfinningum, erfiðleikum, gleði, sigrum og stundum sorg. Við viljum minna framtíðina á að gleyma ekki að hafa gaman, muna að fagna öllum þeim sigrum sem þið áorkið og ekki missa sjónar af því að við erum saman í liði hvort sem við vinnum saman í samtökum eða sem einstaklingar,“ segir í færslunni og tekið fram að þeir fjármunir sem félagið átti, þökk sé styrkjendum, hafi runnið til Rótarinnar og Kvennaathvarfsins.
Margir leggja orð í belg undir færslu hópsins á Instagram og þakka fyrir sig.
„Takk fyrir ykkur. Þið rudduð braut fyrir komandi réttlætisljósaperur,“ segir til dæmis áhrifavaldurinn og ljósmyndarinn Helgi Ómarsson. „Takk fyrir allt,“ segir Sóley Tómasdóttir, fyrrverandi borgarfulltrúi.
View this post on Instagram
