Atli Þór Jónasson, sóknarmaður HK, er að ganga í raðir Víkings. Frá þessu greinir Hjörvar Hafliðason, Dr. Football.

Atli, sem er 22 ára gamall, kom til HK frá 4. deildarliði Hamars í byrjun árs 2023 og gerði hann sex mörk fyrir HK er liðið féll úr Bestu deildinni í sumar.

Hann hefur verið orðaður við brottför og miðað við nýjustu fréttir endar hann hjá Víkingi, sem hafnaði í 2. sæti í deild og bikar 2024 og ætlar sér stærri hluti á næstu leiktíð.

Víkingur er þá á fullu í Sambansdeildinni, þar sem liðið er komið í útsláttarkeppni og mætir Panathinaikos í næsta mánuði.

Atli Þór Jónasson er orðinn leikmaður Víkings R. Samkomulag við HK-inga náðist um helgina. Víkingur R. borga vonandi helling fyrir hann. pic.twitter.com/MJ83XRocsf

— Hjör Hafliðason (@hjorvarhaflida) January 14, 2025