Íbúar á þeim svæðum þar sem gróðureldar geysa í Los Angeles hafa margir hverjir komið fyrir skiltum við lóðir sínar þar sem tilkynnt er að þjófar verði skotnir.

Hátt í 30 einstaklingar hafa verið handteknir síðustu daga fyrir innbrot og tilraunir til innbrota í yfirgefnum húsum og í hópi þeirra var einstaklingur sem dulbjó sig sem slökkviliðsmaður.

Robert Luna, yfirmaður hjá lögreglunni í Los Angeles, segir að „slökkviliðsmaðurinn“ hafi verið handtekinn í Malibu þar sem fjölmargir moldríkir einstaklingar búa. Gekk maðurinn á milli húsa sem höfðu orðið eldinum að bráð í leit að verðmætum.

Saksóknarar hafa varað við því að þjófar verði saksóttir af fullum þunga og þá hefur öryggisgæsla verið aukin í mörgum hverfum.