Situr þú uppi með húsfélagið?
Til að verðmæti fasteignar viðhaldist þarf að halda vel utan um rekstur og viðhald. Í fjölbýlishúsum er það í höndum húsfélagsins. Eignaumsjón, Suðurlandsbraut 30, sérhæfir sig í rekstrarumsjón húsfélaga sem og í þjónustu við félög í fasteignarekstri. Eignaumsjón var stofnuð árið 2001 og er fyrsta fyrirtæki sinnar tegundar á Íslandi. Áralöng reynsla og sérþekking starfsfólks Eignaumsjónar nýtist viðskiptavinum til að leysa fjölbreytt vandamál á faglegan og persónulegan hátt og sérhæfð þekking skilar sér í að finna lausnir á flestum þeim málum sem upp geta komið, hvort sem um er að ræða íbúðarhúsnæði eða atvinnuhúsnæði.
Markmið Eignaumsjónar er að gera rekstur húsfélaga markvissari og ódýrari og auðvelda stjórnarstörf með því að spara tíma þeirra sem að rekstrinum standa.
Rekstrarumsjón felur m.a. í sér umsjón með öllu sem snýr að fjármálum húsfélagsins, þ.e. innheimtu, sjóðsumsjón og bókhaldi. Það er mikilvægt að hafa öruggt og formfast innheimtukerfi húsgjalda og tryggja þannig að húsgjöld skili sér, sem og að öll sjóðsumsjón sé í öruggum höndum. Gerður er ítarlegur ársreikningur með rekstrar- og efnahagsreikningi sem tryggir góða yfirsýn á fjármálum félagsins á aðalfundi.
Eignaumsjón veitir faglegan stuðning við að koma viðhaldsverkefnum áfram. Það er stór hluti af rekstri húsfélaga að halda utan um viðhald hússins og því mikilvægt að slíkar ákvarðanir séu teknar faglega. Húsfundir eru ákvörðunarvettvangur slíkra verkefna og hefur Eignaumsjón leitt fjölmörg félög í gegnum þær.
Einnig kemur Eignaumsjón að fjölþættri annarri þjónustu við húsfélagið, til dæmis aðstoð við úrlausn ágreiningsmála sem upp geta komið í fjölbýli og taka þarf fyrir á grundvelli laga um fjöleignarhús. Þá getur skipt sköpum að hafa hlutlausan aðila til að koma að slíkum úrlausnum, það stuðlar oftast að betri og hreinskiptnari samskiptum íbúa.
Við rekstur húsfélaga er afar mikilvægt að veita gagnlegar og ítarlegar upplýsingar til eigenda. Til þess að geta veitt viðskiptavinum sem bestar upplýsingar hefur Eignaumsjón sérhannað öflugt upplýsingakerfi, þar sem safnað er saman á einn stað öllum nauðsynlegum upplýsingum um sérhvert félag sem er í þjónustu hjá Eignaumsjón og þeim síðan miðlað til eigenda í gegnum „mínar síður“ á þjónustuvef félagsins.
Nánari upplýsingar um starfsemi Eignaumsjónar er að finna á vefsíðu fyrirtækisins, eignasumsjon.is. Síminn er 585-4800.
