María Ögn Guðmundsdóttir hefur í tvo áratugi verið ein fremsta hjól­reiðakona lands­ins . Maria Ögn sem er 43 ára segist nú standa á tímamótum á hjólreiðaferlinum og í viðtali við Bjarna Helga­son ræðir hún íþrótta- og hjól­reiðafer­il­inn, at­vinnu­mennsk­una og framtíðina.

Í viðtalinu rifjar María Ögn upp atvik árið 2020 þegar hún og sambýlismaður hennar urðu fyrir líkamárás í hjólaferð frá Þingvöllum. Segist hún hafa kært atvikið en ekkert hafi verið gert með kæruna.

Parið var að hjóla heim frá Þing­völl­um ásamt fé­laga þeirra.

„Það koma þarna krakk­ar á tveim­ur bíl­um og þau ákveða að keyra al­veg upp að Haf­steini og slá hann í and­litið með hvítri snúru út um bíl­glugg­ann.

Það verður til þess að hann fip­ast og hjólið mitt fer í hans hjól. Ég er ná­lægt því að detta en næ að halda mér með því að setja fót­inn út. Fót­ur­inn fer nán­ast í bíl­inn fyr­ir aft­an okk­ur og ég held að fáir aðrir en ég hefðu getað bjargað sér út úr þess­um aðstæðum. Þarna var ég að fara detta und­ir Land Cruiser en næ að bjarga mér. Þetta var stórt áfall en við ákveðum svo að hringja í lög­regl­una.“

María Ögn segir að um kort­eri síðar hafi  ákveðin sturlun komið yfir hana.

„Af hverju er ráðist svona á mann? Fyr­ir hverj­um er ég? Þetta var lík­ams­árás og ég fór heim og knúsaði litla barnið mitt. Ég var ógeðslega reið eft­ir þetta. Við kærðum þetta en það fór ekk­ert lengra þannig að það var ekk­ert gert í þess­ari lík­ams­árás.

Svona er þetta en það er alltaf að verða minna og minna um þetta. Það er líka leiðin­legt að tala um þetta því þá finnst manni eins og að heift­in verði meiri.“ 

Horfa má á viðtalið við Maríu Ögn hér.