Pólskur drengur, búsettur á Íslandi, sem lét lítið í hörmulegu umferðarslysi á Ítalíu á annan í jólum hét Maciej Andrzej Bieda

Maciej bjó með fjölskyldu sinni í Árbænum og hvar hvers manns hugljúfi. Honum er lýst sem brosmildum dreng með fallegt hjartalag og afar heilbrigðum. Maciej gekk í Árbæjarskóla og var í 5. bekk. Hann æfði knattspyrnu með Fylki. Hann var fæddur 1. júlí árið 2014.

Sjá einnig: Greina frá banaslysi tíu ára drengs sem búsettur var á Íslandi – Ökukennari ákærður fyrir manndráp

Fjölskyldan var í fríi og heimsókn hjá ættingjum á Ítalíu þegar hið hræðilega slys varð, þann 26. desember. Í frétt DV af slysinu þann 27. desember segir:

„Verið var að lækka brautarhliðið til þess að hleypa lest fram hjá þegar slysið varð. Ökumaður á Renault bifreið, kona sem er ökukennari og búsett í nágrenninu, kom að. Í stað þess að stöðva gaf hún í til að ná að komast yfir vegamótin áður en hliðið lokaðist alveg.

Hinum megin var fjögurra manna fjölskyldan að ganga yfir götuna. Það er drengurinn ungi sem varð fyrir bílnum, foreldrar hans og 13 ára systir. Að sögn ítalskra miðla eru þau pólsk og búsett á Íslandi en voru í heimsókn hjá ættingjum yfir hátíðirnar.“

Efnt til söfnunar fyrir fjölskylduna

Það er ekki hægt að lýsa þeirri sorg og angist sem lát Maciej litla leiðir yfir eftirlifandi fjölskyldu hans. En auk sorgarinnar og missisins er þetta fjárhagslegur baggi. Fjölskyldan mun ekki komast heim til Íslands á næstunni og ljóst er að mikil útgjöld munu hljótast af þessum hræðilega atburði, m.a. vegna flutnings á líkamsleifum Maciej og útför hans.

Stofnaður hefur verið styrktarreikningur á nafni móður Maciej, Önnu Alicja Bieda. Reikningsupplýsingar eru eftirfarandi:

kt. 010682-2829  0511-14-011162

Fjölskyldan þakkar fallegar hugsanir og samhug með sér á þessum erfiða tíma.