Home Alone-myndirnar eru enn þann dag í dag í hópi vinsælustu jólamynd veraldarinnar og fjölmargir hafa það fyrir hefð að horfa á myndirnar yfir hátíðarinnar. Það er því óhætt að fullyrða að leikarar myndarinnar eigi sér sérstakan stað í hjörtum marga jóla- og kvikmyndaáhugamanna.

Eins og alþjóð veit hefur aðalstjarna myndarinnar, Macaulay Culkin, glímt við ýmis neyslutengd vandamál eftir að barnastjarna hans dofnaði. Þau vandamál komast þó ekki í hálfkvisti við líf leikarans Devin Ratray sem lék Buzz McCallister, eldri bróður aðalsöguhetjunnar, lystilega vel.

Retray hefur leikið í tæplega sjötíu verkefnum, sjónvarpsþáttum sem og kvikmyndum, á ferlinum þótt að ekkert þeirra komist í hálfkvisti við Home Alone-stórmyndirnar.

Leikarinn hefur hins vegar skuggalegan feril utan hvíta tjaldsins. Árið 2017 var hann kærður af vinkonu sinni til 15 ára, Lisu Smith, fyrir nauðgun sem átti að hafa átt sér stað í New York. Málið var hins vegar aldrei rannsakað fyllilega og að endingu fellt niður, eitthvað sem Smith var afar óhress með og vakti athygli á í fjölmiðlum.

Fjórum árum síðar var Retray síðan handtekinn vegna gruns um að hafa beitt þáverandi kærustu sína ofbeldi. Í febrúar 2024 lauk málinu með því að Retray játaði sök í tveimur ákæruliðum og hlaut skilorðsbundinn dóm að launum auk nálgunarbanns gegn fyrrverandi kærustunni og kröfu um að hann myndi fara í meðferð.