Ný ríkisstjórn Viðreisnar, Samfylkingar og Flokks Fólksins var mynduð um helgina. Í stefnuyfirlýsingu stjórnarinnar fer lítið fyrir íþróttum, eins og nafntogaðir einstaklingar úr hreyfingunni hafa bent á.

Í raun er aðeins einu sinni minnst á íþróttir í stefnuyfirlýsingunni:„Rík­is­stjórn­in hyggst móta ung­menna­stefnu og beita sér fyr­ir jöfnu aðgengi allra barna að íþrótt­um, list­um og frí­stund­a­starfi,“ segir þar.

Arnar Sveinn Geirsson, forseti leikmannasamtaka Íslands, tjáði sig til að mynda um málið um helgina.

„Frábært hvað ný ríkisstjórn gefur íþróttum mikinn gaum. Orðið íþróttir er að finna alveg einu sinni í stefnuyfirlýsingunni. Glæsilegt,“ skrifaði kaldhæðinn Arnar.

Sævar Pétursson, framkvæmdastjóri KA, lagði einnig orð í belg.

„Mikið vona ég að áhugi nýrrar ríkisstjórnar á íþróttum og því sem íþróttahreyfing gerir sé meiri, heldur en kom fram í stefnuyfirlýsingu hennar því þar virðist íþróttahreyfingin varla vera til,“ skrifaði hann og mátti sjá fleiri taka undir með þeim félögum.

Frábært hvað ný ríkisstjórn gefur íþróttum mikinn gaum. Orðið íþróttir er að finna alveg einu sinni í stefnuyfirlýsingunni. Glæsilegt. pic.twitter.com/XWSGexaLuw

— Arnar Sveinn (@arnarsveinn) December 21, 2024

Mikið vona ég að áhugi nýrrar ríkisstjórnar á íþróttum og því sem íþróttahreyfing gerir sé meiri, heldur en kom fram í stefnuyfirlýsingu hennar því þar virðist íþróttahreyfingin varla vera til.

— saevar petursson (@saevarp) December 21, 2024