Það er hvimleitt að fá kvef og margir leita leiða til að losna hratt við og lina þau óþægindi sem það veldur. Það er til náttúrulegt efni sem kemur að sögn sterkt inn í viðureigninni við kvef.

Þetta er hvítlaukur og því ættu flestir að geta gripið til hans þegar kvef herjar, því hvítlaukur er væntanlega til í nánast hverju eldhúsi.

Hann er auðvitað þekktari sem hráefni við matargerð en öldum saman hefur verið vitað að hollusta hans er mikil og að hann getur komið að gagni þegar heilsan er ekki upp á sitt besta. Niðurstöður vísindarannsókna styðja þetta.

En af hverju er hvítlaukur góður við kvefi?

Ástæðan er að hann inniheldur virka efnið allicin en það losnar um það þegar hvítlaukurinn er skorinn eða kraminn. Efnið vinnur gegn bakteríum og veirum og getur því komið að gagni í baráttunni við sýkingar og um leið styrkir það ónæmiskerfið.

Í rannsókn, sem var birt í vísindaritinu Advances in Therapy, kom fram að fólk sem fékk sér hvítlauksfæðubótarefnið daglega, var sjaldnar kvefað og skemur veikt en þeir sem ekki fengu sér slíkt fæðubótarefni.

Svona á að nota hvítlauk gegn kvefi:

Hrár hvítlaukur virkar best því úr honum fáum við allicin á skjótan hátt. skerðu laukinn fínt og láttu hann bíða í 10 mínútur, til að koma allicin í gang, og borðaðu hann síðan hráan. Ef bragðið er að stríða þér, þá er í lagi að setja smá hunang út á að til að milda það.

Hvítlaukste gæti hentað þeim sem ekki ráða við að borða hann hráan. Hakkaðu eitt hvítlauksrif og láttu það liggja í heitu vatni í 5-10 mínútur. Bættu sítrónu og hunangi út í til að styrkja bragðið um ónæmisviðbrögðin.

Hvítlauksolíu er hægt að nota til að losa um stíflu í nefi. Hitaðu smá ólífuolíu og sett nokkur kramin hvítlauksrif út í. Andaðu síðan gufunni að þér.

En hvítlaukur hefur fleiri góð áhrif en bara gegn kvefi. Hann getur lækkað blóðþrýstingin, dregið úr bólgum, bætt heilsu hjartans og meltinguna.