Florian Wirtz hefur tekið ákvörðun um að skuldbinda Bayer Leverkusen næstu árin samkvæmt þýska blaðinu Kicker.
Hinn 21 árs gamli Wirtz er einn mest spennandi leikmaður heims og eftirsóttur af liðum á borð við Bayern Munchen, Manchester City og Real Madrid.
Talað hefur verið um að verðmiðinn á Wirtz sé um 150 milljónir evra en samkvæmt nýjustu fréttum er hann ekki á förum.
Wirtz er þegar með samning við Leverkusen til 2027 en hann er opinn fyrir því að framlengja hann. Má búast við því að væn launahækkun myndi fylgja.
Wirtz er kominn með 11 mörk og 5 stoðsendingar í öllum keppnum á leiktíðinni, en Leverkusen situr í öðru sæti þýsku úrvalsdeildarinnar.
