Jafn margir Akureyringar eru neikvæðir í garð Bíladaga og eru jákvæðir í garð hátíðarinnar sem haldin er í bænum ár hvert í júní. Konur neikvæðara í garð Bíladaga en karlar.
Þetta kemur fram í nýrri könnun Rannsóknarmiðstöðvar Háskólans á Akureyri (RHA). En í könnuninni var spurt um afstöðu íbúa á Akureyri til hátíðarinnar, götulokana og takmarkana á umferð á meðan á hátíðinni stendur.
36,5 prósent bæjarbúa eru jákvæðir í garð hátíðarinnar, þar af 13,7 prósent mjög jákvæðir. 36,3 prósent eru neikvæðir, þar af 12,5 prósent mjög neikvæðir. Hlutfall jákvæðra og neikvæðra er því næstum því alveg það sama. 27,3 prósent hafa hvorki jákvæða né neikvæða skoðun á Bíladögum.
Þegar svör eru greind eftir ýmsum breytum sést að karlar eru almennt jákvæðari í garð hátíðarinnar en konur. Það er 48 prósent á móti aðeins 29 prósentum.
Þegar litið er til aldurs sést að fólk á aldrinum 35 til 49 ára er jákvæðast í garð Bíladaga, 48 prósent, en fólk yngra en 35 ára neikvæðast, 31 prósent.
Þá er fólk með minni menntun aðeins jákvæðara í garð hátíðarinnar en háskólamenntaðir og hún nýtur meiri hylli á meðal íbúa í póstnúmerinu 603 (Glerárhverfi) en í 600 (Akureyri sunnan Glerár).
Könnunin var netkönnun. Úrtakið var 1000 og svarhlutfall 43 prósent.
