Heimili bandaríska leikarans og leikstjórans Rainn Wilson í Kaliforníu brann næstum til grunna í skógareldum í síðasta mánuði.
Leikarinn greindi frá því á Instagram þann 11. nóvember að heimili hans og eiginkonu hans, Holiday Reinhorn, hefði orðið fyrir barðinu á skógareldum sem riðu yfir Ventura-sýslu í nóvember.
View this post on Instagram
Wilson, sem er þekktastur fyrir hlutverk sitt sem Dwight Schrute í The Office, horfði á jákvæðu hliðarnar í myndbandinu og sagðist þakklátur fyrir að heimilið væri ekki gjöreyðilagt eins og svo mörg önnur á sömu slóðum. Hann sagði heimili þeirra „mjög alvarlega skemmt, en við fengum að halda heimili okkar,“ ólíkt sumum nágrönnum þeirra. Hann hrósaði eiginkonunni og sagði hana hafa frelsað dýrin þeirra, svínin Amy og Snorty, sem bjuggu í hlöðu á landi hjónanna. Kallaði hann þau hjónin heppnasta fólkið í Ventura.
Föstudaginn 13. desember, rúmum mánuði eftir brunann, deildi leikarinn nýju myndbandi á Instagramsíðu Soul Boom, sem er hlaðvarp sem Wilson heldur úti. Í því gengur hann í gegnum heimili sitt.
„Jæja, þetta er ekki eitthvað sem ég hélt að ég myndi gera. Að ganga í gegnum leifarnar af svefnherberginu mínu og skápnum mínum og baðherberginu, og þarna er salernið mitt. Salernið mitt með ösku.“
View this post on Instagram
Þegar hann hélt áfram að ganga í gegnum heimilið og sýna fylgjendum sínum stöðu skrifstofunnur og annarra herbergja í kjölfar eldsvoðans, sagði Wilson: „Hér er einhver dýrmæt lexía. Ég er ekki viss um hver hún er, dauði og bruni kennir þér lexíu um hverfulleika lífsins og dýrmæti þess sem við höfum. Þannig að ég vona að þið verðið öll þakklát í dag fyrir það sem þið hafið,“ sagði hann við fylgjendur sína áður en hann spurði þá hvaða lexíur þeir teldu að hann gæti verið að „gangast í“ vegna brunans.
„Þetta er allt svolítið mikið fyrir mig,“ útskýrði hann og bætti við að hann yrði „svo yfirbugaður, heilinn á mér slekkur bara á sér, ég get varla unnið úr þessu áfalli.“
Leikarinn bætti við að hann væri þakklátur fyrir að megnið af heimili þeirra hjóna í Kaliforníu sé óskemmt þrátt fyrir eldinn. „Í öskunni er staðurinn þar sem við hugsum best um það sem raunverulega skiptir máli í lífi okkar.“
