Vel skipulagður fataskápur getur gert kraftaverk fyrir þig í amstri hversdagsins og bætt andrúmsloftið í svefnherberginu. En það er sumt sem á aldrei að geyma í fataskáp.

Samkvæmt því sem atvinnufólk í skipulagningu segir þá á aldrei að geyma eftirtalda hluti í fataskáp:

Skítug föt – það að geyma skítug föt í fataskáp gerir hann draslaralegan og getur einnig valdið því að óæskileg lykt (óþefur!) geri vart við sig og þess utan getur þetta laðað skordýr að. Það er því bara að setja óhreinan fatnað í þvottastampinn.

Ónýta skó – ef þú átt skó sem eru mjög slitnir eða óþægilegir, þá er best að losa sig alveg við þá. Skór taka pláss og geta sett skipulagningu skápsins úr skorðum. Geymdu bara þá skó sem þú notar og eru í góðu standi.

Hlutir sem þú hefur ekki notað í rúmlega ár – fatnaður og annað, sem þú hefur ekki notað síðustu tólf mánuðina, er líklega ekki eitthvað nauðsynlegt lengur. Farðu í gegnum þetta og gefðu þetta eða seldu því þú hefur ekki lengur þörf fyrir þetta. Þú losar líka um pláss með þessu.

Íþróttafatnaður og æfingartæki – ef þú notar æfingartækin ekki reglulega, þá skaltu íhuga að geyma þau á betri stað, til dæmis í bílskúrnum. Fataskápurinn í svefnherberginu á að vera fyrir það sem þú notar daglega.

Óopnaðar gjafir – ef þú færð gjafir sem þér líkar ekki við eða eru ekki notaðar, þá skaltu ekki geyma þær í fataskápnum. Þetta tekur pláss og getur gert að verkum að þér finnst skápurinn vera draslaralegur. Íhugaðu hvort þú getir ekki gefið þetta eða selt.

Mikilvæg skjöl og pappírar – það er mikilvægt að vera með gott skipulag á skjölum og pappírum. En fataskápurinn er ekki rétti staðurinn til að geyma þetta á.

Gamlar snyrtivörur – farðu reglulega yfir snyrtivörurnar þínar og hentu þeim sem eru runnar út eða þú notar ekki lengur. Að geyma of mikið af snyrtivörum getur gert skápinn draslaralegan og þess utan tekur þetta dýrmætt pláss.