fbpx
Föstudagur 04.apríl 2025
Pressan

Vinna í kappi við tímann við að bjarga þúsundum úr sýrlensku neðanjarðarfangelsi

Pressan
Mánudaginn 9. desember 2024 08:44

Ekki missa af Helstu tíðindum dagsins í pósthólfið þitt

Lesa nánar

Uppreisnarmenn sem náð hafa völdum í Sýrlandi eru nú sagðir vinna að því í kappi við tímann að bjarga þúsundum fanga sem sitja í neðanjarðarfangelsi í höfuðborginni Damaskus.

Eins og greint var frá um helgina hefur uppreisnarhópurinn Hayat Tahrir al-Sham náð völdum í Sýrlandi og er forsetinn Bashar al-Assad flúinn land og kominn til Moskvu.

Sýrlandsstjórn er talin hafa fangelsað þúsundir manna í Saydnaya-fangelsinu en undir því munu vera fjölmargir fangaklefar og hvelfingar sem geyma fanga. Hafa viðbragðsaðilar áhyggjur af því að þeir sem þar dvelja gætu hreinlega kafnað ef þeim verður ekki komið til bjargar.

Talið er að í umræddu fangelsi hafi pyntingar og aftökur farið fram á undanförnum árum.

Hvítu hjálmarnir, mannúðar- og björgunarsamtök sem stofnuð voru árið 2013, hafa sent fjölmennt lið á svæðið en samtökin greindu frá því á síðu sinni á samfélagsmiðlinum X í gærkvöldi.

Í umfjöllun Mail Online kemur fram að hvelfingar undir fangelsinu séu harðlæstar og það þurfi þar til gerðan búnað til að opna þær. Óvíst er hversu margir dvelja í neðanjarðarhvelfingunum en talið er að þeir séu mögulega nokkur þúsund.

Mannréttindasamtökin Amnesty International segir að fjölmargir hafi verið teknir af lífi í Saydnaya á undanförnum árum, eða allt að 13 þúsund á árunum 2011 til 2016 þegar borgarastyrjöldin í landinu stóð sem hæst.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Elon Musk tapaði kosningunum sem hann reyndi að kaupa – Eyddi gífurlegum peningum en gerði líklega illt verra

Elon Musk tapaði kosningunum sem hann reyndi að kaupa – Eyddi gífurlegum peningum en gerði líklega illt verra
Pressan
Í gær

Svínalifur grædd í manneskju í fyrsta sinn

Svínalifur grædd í manneskju í fyrsta sinn
Pressan
Fyrir 3 dögum

Elon Musk reynir að múta kjósendum og kvartar undan gagnrýni í sinn garð – „Hver gleðst yfir svona?“

Elon Musk reynir að múta kjósendum og kvartar undan gagnrýni í sinn garð – „Hver gleðst yfir svona?“
Pressan
Fyrir 3 dögum

Telja að lík Émile litla hafi verið geymt í frosti

Telja að lík Émile litla hafi verið geymt í frosti
Pressan
Fyrir 4 dögum

Hún var kölluð Lafði Dauði

Hún var kölluð Lafði Dauði
Pressan
Fyrir 4 dögum

Ný gögn frá NASA benda til að við eigum heima í svartholi

Ný gögn frá NASA benda til að við eigum heima í svartholi