Í dag var tilkynnt hvaða listamenn fá úthlutað listamannalaunum árið 2025.

Sjá einnig: Þessi fá listamannalaun árið 2025 – Mánaðarlaunin 560 þúsund

Listamannalaun árið 2025 verða 560.000 kr.  á  mánuði. Um verktakagreiðslur er að ræða.

Launasjóður rithöfunda úthlutaði 566 mánuðum.

Í flokki rithöfunda fá 79 rithöfundar úthlutað listamannalaunum í 2 mánuði (einn), 3 mánuði (sextán), 6 mánuði (tuttugu og átta), 9 mánuði (tuttugu) og 12 mánuði (fjórtán).

Á meðal þeirra sem fá úthlutað 12 mánuðum eru Gerður Kristný Guðjónsdóttir, sem er tilnefnd til Íslensku bókmenntaverðlaunanna fyrir bókina Jarðljós. Gunnar Helgason, Hallgrímur Helgason, Sigríður Hagalín Björnsdóttir og Sigrún Eldjárn, sem er tilnefnd til Fjöruverðlauna fyrir bókina Sigrún í safninu.

Á meðal þeirra sem fá úthlutað 9 mánuðum eru Bergrún Íris Sævarsdóttir, Einar Már Guðmundsson, Gyrðir Elíasson, Hildur Knútsdóttir, Jón Kalman Stefánsson, sem er tilnefndur til Íslensku bókmenntaverðlaunanna fyrir bókina Himintungl yfir heimsins ystu brún, Kristín Helga Gunnarsdóttir, sem er tilnefnd til Fjöruverðlauna fyrir bókina Fíasól í logandi vandræðum, og Ævar Þór Benediktsson.

Á meðal þeirra sem fá úthlutað 6 mánuðum eru Andri Snær Magnason, Einar Kárason, Eva Rún Snorradóttir, sem er tilnefnd til Fjöruverðlauna fyrir bókina Eldri konur, Rán Flygenring, sem er tilnefnd til Fjöruverðlauna fyrir bókina Tjörnin, Sif Sigmarsdóttir og Sunna Dís Másdóttir.

(Nöfn sem eru feitletruð/bold fengu einnig úthlutað listamannalaunum árið 2024).