Það leiðindaatvik átti sér stað í morgun að brotist var inn í bíl við Smáralind og stolið þaðan tveimur fartölvum með mikilvægum gögnum, auk annarra verðmæta.
Bíllinn er í eigu 18 ára pilts og verðmætin í bílnum tilheyra honum og jafnaldra hans. Faðir drengsins, Andrés Bertelsen, greinir frá málinu á Facebook:
„Kæru vinir þið þekkið mig flest að þvi að reyna að hjálpa öllum sem ég mögulega get. Núna vantar mig hjálp rétt í þessu var verið að brjótast inn í bílinn hjá syni mínum bíl sem er skráður á mig og þessu stolið: Macbook air 2020
Lenovo fartölva
Iphone 12
Og jakki
Þetta gerðist við smáralindina milli 10:30 og 11:30 mynd af bílnum fylgir. Myndband náðist af þjófunum en við getum ekki fengið að sjá það..
Þetta eru tveir strákar 18 ára gamlir með öll sín skólagögn og persónulega hluti inn á tölvunum sínum mér þætti óendanlega vænt um alla aðstoð við að endurheimta þessa hluti.!!!
Góð fundarlaun í boði!!!“
Þeir sem gætu haft upplýsingar um málið eru beðnir um að hafa samband við Andrés í skilaboðum inni á Facebook-síðu hans.
