Margir hafa áhyggjur af heilsu bresku klámstjörnunnar Lily Phillips, en hún er að æfa sig fyrir stóran dag þar sem hún ætlar að slá heimsmet og stunda kynlíf með 1000 karlmönnum á einum sólarhring.
Sú sem á núverandi heimsmet er klámstjarnan Lisa Sparks, hún svaf hjá 919 karlmönnum á einum degi á viðburði í Póllandi árið 2004.
Á þeim tíma sagði Lisa að hún hafi „skemmt mér konunglega en ég var verkjuð í viku eftir þetta.“
Lily Phillips, 23 ára, ætlar að reyna að slá metið í janúar og segist vera að æfa stíft svo hún verði líkamlega tilbúin.
Margir hafa áhyggjur af heilsu Lily og varar læknirinn Zac Turner við athæfi klámstjörnunnar í samtali við News.com.au.
„Kynlíf reynir mikið á líkamann og krefst þess að maður notar marga mismunandi vöðva í einu, það reynir einnig á hjarta- og æðakerfið og losar endórfín,“ segir hann.
„Ef þetta er gert í hófi þá er þetta eins og vel heppnuð æfing, góð fyrir heilsuna og myndar tilfinningaleg tengsl. En hins vegar, ef þetta er gert með öfgakenndum hætti, eins og í 24 klukkutíma samfleytt, þá getur þetta haft gríðarleg áhrif á líkamlega og andlega heilsu.“
Turner bendir á að Lisa Sparks, núverandi heimsmethafi, hafi verið verkjuð í viku eftir athæfið.
Lily Phillips segist vera að æfa sig fyrir þetta. „Ég hef sofið hjá 101 karlmanni á einum degi og ég ætla að sofa hjá 300 karlmönnum eftir nokkrar vikur,“ sagði hún á dögunum í hlaðvarpinu The Reality Check.
„Ég held að ég verði aum undir lokin en ég held ég sé nógu ákveðin til að geta haldið áfram og klárað,“ sagði hún.
Hún viðurkenndi að þetta væri erfitt. „Að ríða 101 gaurum á 14 klukkutímum er mikið erfiðara en að vinna frá níu til fimm. Ef við erum að tala um venjulega skrifstofuvinnu, þá er svo miklu erfiðara að sofa hjá yfir hundrað karlmönnum.“
Lily sagði að það fari mikill tími í að skipuleggja viðburðinn. „Planið er að leigja herbergi með tveimur hurðum,“ sagði hún.
„Þeir sem vilja taka þátt þurfa að senda mynd af sér og skilríki og svo þarf aðstoðarmaður minn að raða þeim í tímaröð.“
Lily sagði að það væri nógu erfitt að finna nógu marga karlmenn til að taka þátt en stærsta áskorunin væri að ná að klára á settum tíma.
„Ég er að vona að þetta verði eins og færiband, þeir labba inn og fara síðan,“ sagði hún.
Þetta er ekki í fyrsta skipti sem læknar deila áhyggjum sínum af of miklum og löngum samförum klámstjarna. Eftir að klámstjarnan Bonnie Blue svaf hjá yfir 158 karlmönnum á einni viku steig læknirinn og kvensjúkdómasérfræðingurinn Shirin Lakhani fram og sagði að kynlíf klukkutímum saman eyki áhættuna á rifu í leggöngum, þvagfærasýkingum og jafnvel getur getnaðarlimurinn hlotið varanlegan skaða og afmyndast.
Sjá einnig: Læknir varar við athæfi kynlífsóðu klámstjörnunnar – Hættulega langar samfarir
