Scarlet er gift Tayo Ricci. Þau kynntust þegar þau voru unglingar, foreldrar þeirra byrjuðu saman og urðu þau öll ein stór fjölskylda. En þrátt fyrir að tengjast fjölskylduböndum urðu þau ástfangin og gengu í það heilaga í Mykonos í Grikklandi í september í fyrra.
Nú á Scarlet, 29 ára, von á barni og segjast þau bíða spennt.
Samband þeirra hefur verið mjög umdeilt í gegnum árin en Scarlet segir, í samtali við News.com.au, að það hafi ekki áhrif á þau þó fólk kalli samband þeirra „skrýtið“ og „ógeðslegt.“
„Ef ég á að vera alvega hreinskilin þá hefur þetta ekki áhrif á okkur, því við erum til staðar fyrir hvort annað. Ég les sjaldan hvað fólk skrifar við myndböndin okkar en ef ég geri það þá hlæ ég bara. Mér finnst þessi nettröll bara skemmtileg,“ segir hún.
Parið vakti fyrst athygli árið 2021 þegar Scarlet birti myndband af þeim kyssast og greindi frá því að þau væru stjúpsystkini. Síðan þá hefur samband þeirra verið umdeilt en þau njóta bæði mikilla vinsælda á TikTok.
„Við erum búin að vera saman í tíu ár og vorum að flytja aftur til Ástralíu eftir að hafa búið í Bandaríkjunum síðastliðin fimm ár.“
