Ljóst er að stjórn KSÍ mun ráða ráða sínum næstu daga um hvað skal gera í leit að næsta þjálfara og við hverja á að fara í viðræður við. Age Hareide lauk störfum í gær af eigin frumkvæði en stjórn KSÍ íhugaði alvarlega að segja upp samningi hans.

Á Fótbolta.net í dag er sagt frá því að Víkingar eigi von á símtali frá KSÍ á næstu dögum þar sem óskað verður eftir því að ræða við Arnar Gunnlaugsson.

Samkvæmt heimildum 433.is hefur KSÍ átt óformlegt samtal við þá aðila sem vinna fyrir Arnar í nokkrar vikur og jafnvel mánuði. Til að fá formlegt leyfi til að ræða við Arnar þarf KSÍ að fara í samtal við Víking.

Freyr Alexandersson er einnig kostur sem KSÍ skoðar en samkvæmt heimildum 433.is hefur hann mikinn áhuga á starfinu, hefur Freyr látið fólk vita af þessum áhuga og hann komist til skila til forráðamanna KSÍ.

Freyr hefur hins vegar ekki átt neitt samtal við KSÍ um málið samkvæmt heimildum 433.is

Freyr vildi fá landsliðsþjálfarastarfið undir lok árs árið 2020 þegar Guðni Bergsson og hans stjórn valdi að ráða Arnar Þór Viðarsson til starfa.

Ljóst er að KSÍ þarf að borga væna summu til að losa annan þessara aðila úr starfi en Arnar er með samningsbundinn Víking og Freyr er samningsbundinn Kortrijk.