fbpx
Þriðjudagur 01.apríl 2025
Fréttir

Færeyingar eru ekki frændur okkar – Frekar fjarskyldir ættingjar

Kristinn H. Guðnason
Mánudaginn 25. nóvember 2024 19:30

Færeyingar eru mjög fjarskyldir okkur. Mynd/Wikipedia

Ekki missa af Helstu tíðindum dagsins í pósthólfið þitt

Lesa nánar

Ný erfðafræðirannsókn sýnir fram á að Íslendingar og Færeyingar eru mun minna skyldir en áður var talið. Uppruni þjóðanna er ekki sá sami og blöndun á milli þeirra í gegnum tíðina hefur verið sáralítil.

Bæði Færeyjar og Ísland voru numin um svipað leyti, á níundu öld, þegar norrænir menn sigldu þangað á langskipum. Færeyjar á fyrri hluta aldarinnar og Ísland á seinni hlutanum. Því mætti búast við því að það hefði verið nokkurn veginn sami hópur manna sem nam bæði lönd. Svo er ekki.

Í nýrri rannsókn erfðafræðinga við Louisville og Wyoming háskólana í Bandaríkjunum og Færeyjaháskóla, sem birt er í tímaritinu Frontiers in Genetics, kemur fram að uppruni Færeyinga er mun breiðari og annar en Íslendinga.

Rannsakaðir voru eiginleikar Y litninga 139 færeyskra karlmanna og þeir bornir saman við litninga 412 karlmanna frá Íslandi, Noregi, Svíþjóð, Danmörku og Írlandi. Hægt var því að sjá betur en áður innbyrðis tengsl þessara þjóða og uppruna.

Niðurstöðurnar voru þær að landnemar í Færeyjum komu frá mörgum mismunandi stöðum í Skandinavíu á meðan uppruni Íslendinga er einsleitari.

„Vísindamenn hafa lengi gert ráð fyrir að Færeyjar og Ísland hafi verið numin af svipuðu norrænum fólki. En greiningar okkar sýna að þessar eyjar hafi verið numdar af mönnum úr mismunandi erfðamengi í Skandinavíu,“ segir Christopher Tilquist, prófessor við Louisville háskóla. „Einn hópur, frá mörgum mismunandi stöðum í Skandinavíu, fann sér heimili í Færeyjum, en annar, mjög ólíkur hópur víkinga nam Ísland.“

Þá virðist hafa verið lítil erfðafræðileg blöndun þjóðanna eftir landnám, þrátt fyrir meira en þúsund ára nábýli við hvora aðra.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 13 klukkutímum

Veittust að manni í þvottahúsinu við Grettisgötu – „No Police! No Police!“

Veittust að manni í þvottahúsinu við Grettisgötu – „No Police! No Police!“
Fréttir
Fyrir 14 klukkutímum

Snorri spyr hvort þetta sé í alvörunni umdeild skoðun fámenns hóps – „Hér er talað eins og við séum örlítill grenjandi minnihluti“

Snorri spyr hvort þetta sé í alvörunni umdeild skoðun fámenns hóps – „Hér er talað eins og við séum örlítill grenjandi minnihluti“
Fréttir
Fyrir 18 klukkutímum

Notuðu 2.000 lítra af vatni til að slökkva eldinn

Notuðu 2.000 lítra af vatni til að slökkva eldinn
Fréttir
Fyrir 19 klukkutímum

Segir að Úkraína verði að velja á milli að verða bandarísk eða rússnesk nýlenda

Segir að Úkraína verði að velja á milli að verða bandarísk eða rússnesk nýlenda
Fréttir
Í gær

Segir rógi, rangfærslum og níði hafa verið beitt gegn Magnúsi Karli

Segir rógi, rangfærslum og níði hafa verið beitt gegn Magnúsi Karli
Fréttir
Í gær

Hátt í 30 manns bjargað af Eyjafjallajökli

Hátt í 30 manns bjargað af Eyjafjallajökli
Fréttir
Fyrir 2 dögum

Opinber X-síða Hvíta hússins hneykslar – „Við munum finna ykkur – og við munum drepa ykkur“

Opinber X-síða Hvíta hússins hneykslar – „Við munum finna ykkur – og við munum drepa ykkur“
Fréttir
Fyrir 2 dögum

Baldur telur það aðeins tímaspursmál þar til Trump beini sjónum sínum að Íslandi

Baldur telur það aðeins tímaspursmál þar til Trump beini sjónum sínum að Íslandi