Þegar lögreglumenn komu á vettvang kom í ljós að þar var starfsfólk að prófa nýja karíóki-græju og virðist hafa verið glatt á hjalla. Frekari upplýsingar um málið koma ekki fram í skeyti lögreglu.
Tíu gista annars fangaklefa lögreglu eftir nóttina og eru 44 mál bókuð í kerfum lögreglu frá klukkan 17 í gær til klukkan 5 í morgun.
Þrír menn voru handteknir í hverfi 107 eftir að tilkynnt var að þeir hefðu ruðst inn í íbúð. Mennirnir voru vistaðir í fangaklefa og er málið í rannsókn.
Þá var tilkynnt um bifreið á ísilögðu vatni í hverfi 110, að sögn lögreglu, en ekki ólíklegt að þar sé um að ræða Rauðavatn. Um var að ræða ungan ökumann og ræddi lögregla við hann um þær hættur sem fylgja þessu athæfi.
Lögregla handtók svo mann sem grunaður er um líkamsárás og eignaspjöll í hverfi 113. Hann var fluttur á lögreglustöð þar sem hann var vistaður í fangaklefa.
