Mikel Arteta hefur staðfest það að varnarmaðurinn Ben White verði frá í marga mánuði vegna meiðsla.

Um er að ræða afskaplega mikilvægan leikmannn Arsenal en talið var að hann yrði frá í sjö til átta vikur til að byrja með.

Arteta staðfestir þó að meiðslin séu alvarleg og eru líkur á að White missi af þremur til fimm mánuðum.

Talið er að White hafi farið í aðgerð fyrr í þessum mánuði vegna hnémeiðsla og er nú að koma sér af stað eftir hana.

Bakvörðurinn verður því ekki meira með á árinu en Arsenal gerir sér vonir um að hann nái að spila seinni hluta tímabilsins.