Meghan Markle og Victoria Beckham eru ekki lengur vinkonur. Frá þessu greinir The New York Post sem segir fyrrum vinkonurnar ekki hafa nokkur áhuga á að sættast.

Meghan og eiginmaður hennar, Harry Bretaprins, voru áður góðir vinir tískudrottningarinnar og fótboltakappans, Victoriu og David Beckham, en ekki lengur. Victoria er sögð upptekin af öðru og það sé ekki ofarlega í forgangsröðinni hjá henni að púkka upp á vinskapinn. Victoria er að taka upp Netflix þætti sem munu sýna frá lífi henna þar sem hún fléttar saman feril sinn í tísku og snyrtivörusölu, fjölskyldulífið og sviðsljósið.

Meghan mun vera brjáluð yfir þessum þáttum sem verði í beinni samkeppni við hennar eigin þætti sem eins verða sýndir á Netflix og fjalla um líf Meghan þar sem hún reynir að byggja upp lífsstílsmerki sitt, American Riviera Orchard.

„Ég held þær muni bara sættast ef þær rekast á hvor aðra fyrir tilviljun, sem ég er ekki viss um að þær muni gera. Ég sé ekki fram á að lífið leiði þær saman á ný,“ sagði fjölmiðlakonan Ingrid Seward í samtali við the Sun. „Ég held að Beckham hjónin hafi viljandi stigið frá Meghan og Harry, fyrir þessar augljósu ástæður sem við þekkjum all, Meghan og Harry eru á niðurleið frekar en uppleið.“

Ingrid segir að þó Meghan sé brjáluð út af þáttum Victoriu þá muni hún ekki láta pirring sinn í ljós opinberlega. „Auðvitað er hún pirruð, en það er ekkert sem hún getur gert í þessu því hún hefur ekkert með það að gera hvenær þessir þættir fara í sýningu.“