Molly-Mae og Tommy kynntust í fimmtu þáttaröð af Love Island árið 2019 og lentu í öðru sæti. Þau eignuðust dóttur, Bambi, í janúar 2023 og trúlofuðust á Ibiza síðasta sumar.
Molly-Mae greindi frá því á Instagram þann 14. ágúst síðastliðinn að sambandi þeirra væri lokið og er óhætt að segja að mörgum aðdáendum hafi brugðið, enda voru þau eitt ástsælasta par raunveruleikaþáttanna.
„Eftir fimm ára samband hefði mér aldrei dottið í hug að saga okkar myndi enda, sérstaklega með þessum hætti. Mér þykir ótrúlega erfitt að tilkynna að samband okkar Tommy sé búið,“ sagði hún.
Sjá einnig: Rýfur þögnina og skilur eftir sig tárvota aðdáendur:Segir dóttur þeirra finna á sér að eitthvað hafi gerst
Háværar kjaftasögur hafa verið á kreiki um að Tommy hafi haldið framhjá Molly-Mae þegar hann var í ferðalagi með vinum sínum. Hann hefur harðneitað öllum ásökunum um framhjáhald.
Nú hefur kona að nafni Katy Robertson stigið fram og sagst vera konan sem Tommy hélt framhjá með. Hún heldur því fram að þau hafi sofið saman í maí í Dúbaí. Netverjar skiptast í fylkingar en margir eiga erfitt með að trúa henni og halda að hún sé að ljúga fyrir athygli.
@clipsforyou2430 Poor Molly😢#therealitycheck #katyrobertson #podcasts #tommyfury #mollymaehague @The Reality Check Show ♬ original sound – clipsforyou
Katy birti mynd af sér og Tommy til að reyna að sanna mál sitt, en mörgum þykir myndin eitthvað furðuleg og segja að Katy hafi átt við myndina, hún hafi búið til myndina með gervigreind eða þetta sé mjög gömul mynd.
Katy hefur mætt í viðtöl og birt fjölda myndbanda á samfélagsmiðlum þar sem hún lýsir því sem á að hafa gerst á milli þeirra. Margir hafa gagnrýnt hana fyrir virðingarleysið gagnvart Molly-Mae.
@editszsxaelg #mollymae #tommy #katyrobertson #foryoupage ♬ original sound – edits
