Þetta kom fram fyrir dómi í Lundúnum þar sem réttað var yfir manninum. Metro segir að móðir piltsins hafi verið treg til að leyfa syninum að gista með föðurnum á hóteli í Bromley en hafi gefið sig.
Þegar pilturinn kom á hótelið bauð faðir hans honum kókaín og sagði honum að hann væri búinn að „kaupa“ vændiskonur.
Pilturinn sagði honum þá að hann vildi hvorki kókaínið né stunda kynlíf með vændiskonunni. Þetta fór illa í föðurinn sem sagði þá: „Ekki vera aumingi.“
Vændiskonurnar voru þá að sögn á leið á hótelið með leigubíl. Þegar þær komu, sagði faðirinn að sonur hans væri 18 ára. Pilturinn fór síðan inn í annað herbergi með annarri konunni, sem er 26 ára, og leyfði henni að „framkvæma kynlífsathöfn“ á sér. Í yfirheyrslu hjá lögreglunni sagði pilturinn að hann hafi ekki viljað þetta og hafi liðið hryllilega á eftir.
Síðar um kvöldið komst móðirin að því hvað hafði átt sér stað og lét lögregluna vita og var faðirinn handtekinn.
Fyrir dómi játaði hann að hafa haft milligöngu um að sonur hans stundaði kynlíf og að hafa boðið honum kókaín.
Hann var dæmdur í fjögurra ára fangelsi.
