Alfreð Finnbogason hefur ákveðið að leggja skóna á hilluna eftir mjög farsælan feril. Alfreð greinir frá þessu á samfélagsmiðlum.
Alfreð er 35 ára gamall en ferill hans var mjög farsæll, hann rifti samningi við KAS Eupen í Belgíu á dögunum og hefur ákveðið að hætta.
Alfreð var atvinnumaður í þrettán ár en hann fór til Lokeren árið 2011 eftir að hafa orðið Íslands og bikarmeistari með Breiðablik.
Hann lék með Lokeren, Helsingborg, Heerenveen, Real Soceidad, Olympiakos, Augsburg, Lyngby og KAS Eupen erlendis.
Lengst af var Alfreð hjá Augsburg í þýsku úrvalsdeildinni. Alfreð lék 73 landsleiki fyrir Ísland og skoraði í þeim átján mörk.
Alfreð var fyrr í haust ráðinn tæknilegur ráðgjafi hjá Breiðablik og hefur verið að vinna það starf undanfarið.
Kveðja Alfreðs:
Kæri Fótbolti
Takk fyrir allt sem þú hefur gefið mér og fjölskyldu minni
Þessi 5 ára strákur áttu einn stóran draum, ég var heppin að fá að lifa hann á hverjum degi og svo miklu meiri en það. Takk
Í dag er er dagurinn sem þessi magnaði kafli er á enda í mínu lífi, á sama tíma byrjar nýr kafli sem ég er mjög spenntur fyrir.
Þakkir til allra sem tóku þátt í þessu ferðalagi, sérstaklega fjölskylda mín fyrir stuðning og fórnir.
