Frank Lampard er á barmi þess að ganga frá samningi í Coventry en viðræður eru komnar á lokastig.
Sky Sports segir frá því að allt sé að verða klappað og klárt til að Lampard geti tekið við.
Coventry sem leikur í næst efstu deild ákvað að reka Mark Robins úr starfi á dögunum, hann hafði verið í sjö ár í starfi.
Lampard vildi ólmur starfið en Ruud van Nistelrooy og fleiri tóku samtalið við félagið.
Lampard hefur ekki þjálfað í rúmt ár en hann hefur stýrt Chelsea, Everton og Derby á ferli sínum en virðist nú taka skrefið til Coventry.
