Manneskja sem nýtur nafnleyndar hefur auglýst til sölu útrunnin, lyfseðilsskyld megrunarlyf af gerðinni Saxenda, í Facebook-hópnum Verslun á netinu.
Manneskjan skrifar: „Vona að ég megi setja þetta inn hér. En ég var á saxenda en er hætt. Á frekar mikið af sprautum, en þær eru runnar út. Alltaf verið í kæli. Ef eh getur nýtt sér þá á sendið mér pm. Vil fá tilboð í þær.“
Segist viðkomandi eiga 36 saxendasprautur sem runnu út í ágúst og 46 sprautur sem runnu út í september.
Kona ein skrifar undir færslunni: „Þú ert að grínast!!!! Útrunnið sprautulyf til sölu? Farðu í næsta apótek og láttu farga þessu.“
Búið er að taka niður færsluna en hún virðist hafa verið upp í tæpan sólarhring.
