Það er óhætt að segja að nýjustu ummæli Ruben Amorim, stjóra Manchester United, hafi vakið athygli.

Amorim þykir þar minna verulega á Jose Mourinho, landa sinn frá Portúgal, en sá fyrrnefndi tók við United á dögunum.

Amorim á eftir að stýra sínum fyrsta leik hjá enska stórliðinu en hann er gegn Ipswich um næstu helgi.

Þessi efnilegi þjálfari lofar því að gera allt til að vernda sitt og sína frá þeirri umræðu sem gæti skapast á næstu vikum eða mánuðum.

,,Ég mun gera allt fyrir þetta lið. Ég mun vernda mína leikmenn í hvert einasta skipti ef ég þarf að gera það, gegn hverju sem er,“ Amorim.

,,Það er mjög mikilvægt atriði fyrir mig. Ég mun reyna mitt besta til að koma félaginu á þann stað sem það á heima. Ég geri allt til að vinna.“