Hún á fjögur börn með fyrrverandi eiginmanni sínum, rapparanum Kanye West. Þau eiga North, 11 ára, Saint, 8 ára, Chicago, 6 ára, og Psalm, 5 ára.
Kardashian var gestur í hlaðvarpi vinkonu sinnar, Zoe Winkler, á dögunum. Hún sagðist stundum líða eins og hún sé ein í þessu, þó hún sé með gott stuðningsnet og fólk í kringum sig.
„En stundum, þegar ég vakna um miðja nótt og börnin eru öll upp í rúmi hjá mér, sparkandi í mann, grátandi og að vakna… þetta er ekki eitthvað sem ég tala mikið um því mér líður eins og fólk muni dæma mig, eða muni segja: „En þú hefur efni á því að ráða barnfóstru og vera með hjálp.“ Og ég held að sama hvernig aðstoð ég fæ, þá er ég að ala upp fjögur börn alveg ein.“
Kardashian sagði í viðtali við GQ í fyrra að hún passi orð sín þegar hún ræðir við börnin um skilnaðinn.
„Það sem skiptir mestu máli er að börnunum líður eins og það sé hlustað á þau og að þau séu elskuð,“ sagði hún.
„Þú verður að passa þig að tala við þau á þann hátt að þau skilji, það er í lagi að sýna tilfinningar en þú átt aldrei að tala illa um hitt foreldrið.“
