Allt frá 2014 hafa vísindamenn verið sammála um að gígurinn hafi myndast þegar mikið magn gass, sem var fast neðanjarðar, hafi losnað þegar sprenging varð.
Í nýrri rannsókn reynir hópur verkfræðinga, eðlisfræðinga og tölvusérfræðinga að skýra hvernig gígurinn myndaðist. Sú skýring á þá einnig við þá 20 gíga sem hafa myndast síðan þessi myndaðist.
CNN segir að samkvæmt því sem kemur fram í rannsókninni, þá sé skýringuna að finna í jarðfræði Síberíu. Neðanjarðar er þykkt lag af sífrera en það samanstendur af jarðvegi, steinum og setlögum sem er haldið föstum af ís. Undir þessu er lag af metani.
Á milli þessara tveggja laga eru mjög óvenjulegir „pollar“ af saltvatni sem er ekki frosið. Þessir pollar kallast „cryopegs“. Vegna loftslagsbreytinganna, sem valda hlýrra loftslagi, bráðnar efsta lag jarðvegsins og það hefur í för með sér að vatn rennur niður í gegnum sífrerann og inn í „cryopegs“.
Vandinn er að það er ekki nóg pláss fyrir þetta auka vatn og því bólgna þessir „saltvatnspollar“ upp og þrýstingurinn eykst og þetta endar með að jörðin rifnar. Þessar rifur valda skyndilegu þrýstingsfalli niðri í jörðinni. Það hefur áhrif á metanið og úr verður sprenging.
Það geta liðið áratugir frá því að svona ferli hefst og þar til að sprengingin verður. Að minnsta kosti ef marka má rannsóknina.
