Það er ljóst að Eder Militao, lykilmaður Real Madrid, verður ekki með meira á tímabilinu vegna meiðsla.
Militao meiddist í gær er Real mætti Osasuna í La Liga en það fyrrnefnda hafði betur sannfærandi 4-0.
Militao meiddist illa í leiknum og verður lengi frá sem eru afskaplega slæmar fréttir fyrir Real sem berst um titilinn heima fyrir og í Meistaradeildinni.
Guti, fyrrum leikmaður Real, telur að það sé sniðug hugmynd að semja við goðsögn félagsins, Sergio Ramos, á nýjan leik en hann er fáanlegur á frjálsri sölu.
,,Þú verður að horfa á markaðinn. Sergio Ramos er án félags. Ég get séð hann koma, á frjálsri sölu,“ sagði Guti en Ramos er 38 ára gamall.
,,Hann spilaði með Sevilla í fyrra og stóð sig vel. Hann sér vel um sjálfan sig og getur boðið sína hjálp næstu sex mánuðina.“
