Aron Elí Sævarsson, fyrirliði Aftureldingar, hefur framlengt samning sinn við félagið út tímabilið 2026.

Aron Elí er vinstri bakvörður sem hefur verið algjör lykilmaður hjá Aftureldingu síðan hann kom til félagsins frá Val í febrúar árið 2020.

Aron tók við fyrirliðabandinu árið 2021 og hjálpaði liðinu í sumar upp í Bestu deildina í fyrsta skipti í sögunni. Í sumar spilaði Aron einnig sinn hundraðasta leik í deild og bikar með Aftureldingu en hann spilaði alla 25 leiki liðsins á tímabilinu.

„Í haust sem og áður í gegnum tíðina hafa önnur félög sýnt Aroni áhuga en hann hefur sýnt tryggð við Aftureldingu og framlengt samning sinn vð félagið sem eru mikil gleðitíðindi. Afturelding fagnar því að Aron hafi framlengt samning sinn og spennandi verður að sjá hann taka slaginn í Bestu deildinni í Mosfellsbæ,“ segir á vef Aftureldingar