Brianna, 25 ára, lét allt flakka í hlaðvarpsþættinum BFFs, þar sem hún er umsjónarmaður ásamt Dave Portnoy og Josh Richards.
„Eftir allt sem gerðist þá hafði teymið hans samband við mig og bauð mér háa upphæð, slatta af pening og nokkra möguleika,“ sagði hún.
Hún sagði að hún hefði fengið peninginn yfir þriggja ára tímabil, í skiptum fyrir að tala ekki opinberlega um tónlistarmanninn.
„Ef ég hefði samþykkt þetta þá hefði teymið hans fylgst með öllu sem ég geri. Ég hugsaði um þetta í smástund og ég held að fólk eigi til að gleyma, ég byrjaði sjálf að gleyma, að ég var einhver, ég var þekkt og naut velgengni, áður en ég kynntist honum,“ sagði hún.
„Ég mun halda áfram að vera einhver, vera þekkt og njóta velgengni eftir hann líka.“
„Ég er kannski ekki að selja þúsundir tónleikamiða og þéna mörg hundruð milljónir dala. En mér líður vel þar sem ég er og ég vil ekki blóðpeninga. Mér finnst þú ekki geta borgað fólki sem þú særðir og ætlast til að þau passi upp á þig […] Ég tók ekki við neinu, ég mun ekki taka við neinu. Mér finnst ég betri en það. Mér finnst það ruglað.“
Í þættinum ræddi Brianna og Dave Portnoy saman um málið. Hann sagði að hún hafi farið „fram og til baka“ um hvort hún ætti að taka við peningunum eða ekki. Það kom fram að upphæðin var 12 milljónir dala, sem samsvarar um 1,6 milljarða króna.
„Þetta var siðferðisleg barátta,“ viðurkenndi Brianna og bætti við að hún er sátt við ákvörðun sína. Hún sagðist vita að hún hefði ekki getað sofið vært vitandi að hún hefði tekið við peningunum. Hún hefur einnig ásakað hann um að beita hana andlegu ofbeldi.
Í október birti söngvarinn færslu á samfélagsmiðlum og sagði sambandi þeirra vera lokið, eftir eins árs samband.
Stuttu eftir tilkynninguna birti Brianna myndband á YouTube og sagðist koma af fjöllum.
