En óháð því hvenær þú ferð í sturtu, þá eru miklar líkur á að þú gerir ákveðin mistök. Margir gera nefnilega fimm mistök sem eru slæm fyrir húð og hár að sögn franska miðilsins So Busy Girls.
Fyrstu mistökin eru að fara í of heita sturtu. Það getur verið freistandi á köldum vetrardegi að fara í sturtu þar sem vatnið er við að sjóða. Þessu fylgir góð tilfinning fyrir sálina en þetta er ekki gott fyrir húðina. Mjög heitt vatn þurrkar húðina og gerir hana viðkvæmari og það getur aukið hættuna á að fá exem og bletti.
Að nota of mikið af sjampói og kroppasápu er heldur ekki gott. Það virðist kannski sem maður ilmi betur ef mikið er notað af sjampói og sápu en það er hægt að nota of mikið. Sjampó og sápur innihalda oft efni sem geta til lengri tíma haft slæm áhrif á húðina og hársvörðinn. Það er því rétt að reyna að sleppa því að þvo hárið daglega til að minnka líkurnar á ofnæmisviðbrögðum. Mundu líka að gæta vel að hvaða vörur þú notar til að þvo andlitið.
Ekki vera of lengi í sturtu. Þótt það sé oft gott að standa lengi undir rennandi vatni, þá geta langar sturtuferðir auðvitað haft áhrif á hitareikninginn. Það er því ekki galið að reyna að stytta sturtuferðirnar og skrúfa fyrir á meðan sjampó er sett í hárið og kroppasápa á líkamann. Það sparar peninga en er einnig betra fyrir umhverfið og svo er það betra fyrir húðina því hún er ekki eins lengi í heitu vatni.
Ekki þurrka þér með skítugu handklæði. Baðherbergið er það rými heimilisins þar sem mestur raki er. Það gerir að verkum að það er erfitt fyrir handklæði að þorna alveg. Það getur haft í för með sér að bakteríur ná sér á strik og að handklæðin fari fljótt að lykta illa. Handklæði á að fara í þvott þegar búið er að nota það þrisvar til fjórum sinnum.
Að nota baðsvamp úr næloni er eitthvað sem margir gera en ekki á að nota hann lengur en í þrjár vikur því bakteríur dafna vel í þeim. Best er að sleppa því alveg að nota slíka svampa.
