Declan Rice miðjumaður Arsenal er meiddur og ferðaðist ekki með liðinu til Ítalíu fyrir leikinn gegn Inter í kvöld.
Þetta er mikið áfall fyrir liðið en Rice hefur verið mjög öflugur fyrir liðið.
Martin Odegaard er að snúa til baka eftir meiðsli en nú er Rice að detta í meiðsli.
„Rice meiddist, við skoðum hann á fimmtudaginn og sjáum hvort hann geti spilað gegn Chelsea,“ segir Mikel Arteta.
Arsenal hefur hikstað síðustu vikur en óvíst er hvernig Rice meiddist.
