Þýskur amatörfornleifafræðingur fann nýlega 3.000 myntir frá tíma Rómarveldis þegar hann var við fjársjóðsleit með málmleitartæki. Það sem vekur einna mesta athygli við þennan fund er að peningarnir fundust á óvenjulegum stað, töluvert norðan við útvarðstöðvar heimsveldisins.

Live Science segir að fjársjóðurinn hafi fundist fjarri þekktum þýskum byggðum á þessum tíma. Sérfræðingar hafa ekki hugmynd um hvenær eða af hverju fjársjóðurinn endaði þarna.

Amatörfornleifafræðingurinn tilkynnti þýskum fornleifayfirvöldum strax um fundinn. Fornleifafræðingar mættu á svæðið og grófu upp 2.940 myntir og rúmlega 200 þunn silfurbrot sem eru skreytt með rúmfræðimyndum.

Timo Lang, yfirmaður fornleifastofnunarinnar í Rhineland-Palatinate, stýrði uppgreftrinum og sagði hann í samtali við Live Science að megnið af myntinni séu svokallaðar Antoniniani en það var hin opinbera silfurmynt í rómverska heimsveldinu á þriðju öld eftir Krist. Þessi mynt var þó að mestu úr bronsi en var húðuð með þunnu silfurlagi.

Fjársjóðurinn fannst nærri bænum Herschback á Westerwaldfjallasvæðinu.