Það er óhætt að segja að Romelu Lukaku sé vinsæll á meðal margra í Napoli en hann er framherji liðsins í dag.
Lukaku hefur komið víða við á ferlinum en hann hefur leikið fyrir lið eins og Chelsea, Manchester United, Inter og Roma.
Dýragarður í Napoli hefur ákveðið að skíra ungan jagúar í höfuð Lukaku en hann ber nafnið Romelu.
Dýragarðurinn greindi frá þessu á Instagram síðu sinni en dýragarðurinn er ekki langt frá heimavelli félagsins.
,,Við erum ekki langt frá vellinum og fáum að upplifa það sem gerist á leikjum, við erum knattspyrnuaðdáendur,“ sagði Fiorella Saggase sem er yfirmaður staðarins.
,,Þetta er til heiðurs Napoli og við óskum þeim góðs gengis á tímabilinu.“
View this post on Instagram
