José Castillejo fyrrum leikmaður Valencia er einn þeirra 158 sem látist hafa í hamfaraflóðum á Spáni síðustu daga.
Flóðin hafa geisað í Valencia á Spáni og á svæðum þar í kringum.
Castillejo var 28 ára gamall en hann er einn þeirra sem hefur fundist látinn, búist er við að tala látinna hækki á næstu dögum.
Castillejo lék einnig með Torre Levante, Paterna og Eldense á ferli sínum.
„Hann var hluti af unglingastarfi okkar og spilaði fyrir nokkur félög í okkar samfélagi hér í Valencia,“ segir í yfirlýsingu félagsins.
