Bayer Leverkusen er með betri leikmann í sínum röðum en stórstjörnuna Jamal Musiala.

Þessi ummæli koma heldur betur á óvart en það er Robert Andrich sem lét þau falla – hann er leikmaður Leverkusen.

Andrich er á því máli að liðsfélagi sinn Florian Wirtz sé betri en Musiala í dag en sá síðarnefndi leikur með Bayern Munchen.

Um er að ræða tvo leikmenn þýska landsliðsins en Andrich hefur sjálfur leikið 14 landsleiki fyrir þjóðina.

,,Að mínu mati þá er Flo betri leikmaður en Jamal. Það er mín skoðun,“ sagði Andrich.

,,Það er ótrúlegt hversu ákveðinn hann er á þessum aldri og hleypur líka gríðarlega mikið fyrir liðsfélagana án boltans.“

,,Allir vita hversu góður Flo er og að mínu mati er hann sá besti sem ég hef spilað með.“