Sigurjón Rúnarsson hefur krotað undir samning við Fram í efstu deild karla en frá þessu var greint í gærkvöldi.
Um er að ræða varnarmann sem er 24 ára gamall en hann kemur til Fram eftir dvöl hjá Grindavík.
Sigurjón hefur spilað með Grindavík allan sinn feril og lék 20 leiki í Lengjudeildinni í sumar og skoraði eitt mark.
Samtals hefur leikmaðurinn spilað 175 leiki og skorað 12 mörk samkvæmt tölfræði KSÍ.
Fram hafnaði í níunda sæti Bestu deildar karla í sumar undir stjórn Rúnars Kristinssonar.
