Kostas Tsimikas, leikmaður Liverpool, hefur gefið í skyn að einhverjar stjörnur liðsins séu að kveðja á næsta ári.

Leikmenn eins og Mohamed Salah, Trent Alexander-Arnold og Virgil van Dijk eru sterklega orðaðir við brottför.

Allir þessir leikmenn hafa spilað stórt hlutverk undanfarin ár en nú gætu aðrir leikmenn þurft að stíga upp.

Liverpool hefur ekki tekist að framlengja samning þessara leikmanna sem mega ræða við önnur félög í janúar.

,,Það er undir þeim komið hvað þeir gera. Þeir sem fara, við munum sakna þeirra mikið því þeir hafa allir verið hérna í mörg ár,“ sagði Tsimikas.

,,Þeir vita sjálfir hvað þeir vilja í framtíðinni en eins og er vilja þeir njóta sín hér. Þú veist ekki hvað framtíðin ber í skauti sér.“