Enzo Fernandez miðjumaður Chelsea hefur ákveðið að skilja við eiginkonu sína Valentina Cervantes, saman eiga þau tvö börn.

Enzo og Valentina eiga börn fædd árið 2020 og 2023 en þau hafa verið saman í nokkur ár, bæði koma frá Argentínu.

Valentina flutti með Enzo frá Argentínu til Portúgals og þaðan til London þar sem þau hafa veirð síðustu ár.

„Við erum ekki lengur saman, við verðum alltaf fjölskylda og styðjum hvert annað. Við erum með tvö börn sem þurfa okkar ást,“ segir Valentina í færslu á Instagram.

„Ég þekki persónuna og Enzo er magnaður faðir, hann er með hjartað í það og það er nóg fyrir mig. Hann tjáði mér að hann vildi búa einn.“

Enzo er 23 ára gamall en hann var keyptur til Chelsea fyrir um 18 mánuðum á 105 milljónir punda.