Breiðablik er búið að selja sóknarmanninn öfluga Patrik Johannesen en frá þessu er greint í kvöld.

Um er að ræða færeyskan landsliðsmann sem samdi við Blika árið 2022 eftir dvöl hjá Keflavík.

Patrik spilaði 30 leiki fyrir Breiðablik á tveimur árum og tókst í þeim að skora sjö mörk.

KÍ Klaksvik í Færeyjum hefur fest kaup á Patrik en kaupverðið er ekki gefið upp.

Tilkynning Breiðabliks:

Patrik Johannesen seldur til KÍ Klaksvik.

Patrik kom til Breiðabliks frá Keflavík í nóvember 2022 og varð um liðna helgi Íslandsmeistari með liðinu.

Hann náði að spila alls 30 leiki með Blikum og skoraði í þeim 7 mörk, en erfið meiðsli árið 2023 gerðu það að verkum að leikirnir og mörkin urðu ekki fleiri. Patrik skoraði eitt af mörkum sumarsins í sigrinum á móti Fram á Kópavogsvelli.

Við óskum honum alls hins besta um leið og við segjum takk Patrik