Thomas Muller, goðsögn Bayern Munchen, er talinn vera að skoða þrjá möguleika fyrir næsta tímabil.

Muller er 35 ára gamall í dag en allar líkur eru á að hann segi skilið við Bayern eftir þetta tímabil – þar að segja sem leikmaður.

Bild í Þýskalandi fer yfir stöðuna og segir að Muller sé að íhuga þrjú skref sem eru öll ansi freistandi.

Muller gæti lagt skóna á hilluna og tekið að sér þjálfarastarf hjá Bayern þar sem hann hefur unnið allan sinn atvinnumannaferil.

Muller gæti einnig haldið áfram að spila og fært sig til Bandaríkjanna en nokkur félög þar í landi hafa áhuga.

Þriðji kosturinn er að gerast sparkspekingur í Þýskalandi en sjónvarpsstöðvar þar í landi hafa áhuga á að ráða fyrrum þýska landsliðsmanninn til starfa.