Það er gleði í Gerrard fjölskyldunni eftir að unnusti Lilly-Ella Gerrard slapp við það að fara í fangelsi en faðir hans var dæmdur í fimm ára fangelsi.
Lilly er dóttir Steven Gerrard fyrrum fyrirliða Liverpool en hann er í dag stjóri Al-Ettifaq í Sádí Arabíu.
Lee Bryne unnusti Lilly var ákærður fyrir vopnalagabrot á Írlandi en neitaði sök, faðir hans Liam Bryne játaði sök og var dæmdur í fimm ára fangelsi.
„Svo ánægð fyrir þína hönd Lee, elska þig,“ skrifar Lilly á Instagram.
Lilly var 18 ára gömul þegar hún byrjaði með Lee árið 2022, hann er fimm árum eldri en Lilly.
Faðir hans Liam er einn þekktasti glæpamaður Írland og er sagður höfuðpaur Byrne Organised Crime Group sem á í nánu sambandi við Kinahan hópinn sem er þekktasti glæpahópur Írlands.
