ESPN fjallar ítarlega um tíma Erik ten Hag hjá Manchester United en hann var rekinn úr starfi á mánudag, miðilinn hefur nokkra heimildarmenn af Old Trafford sem fara yfir málið.
Hollendingurinn fékk að ráða nánast öllu á Old Trafford framan af, hann fékk að gera breytingar á herbergi þar sem leikmenn fara yfir taktík og klippur úr leikjum. Svæðið á Carrington var ekki eins og Ten Hag vildi hafa það og kostuðu breytingarnar 34 milljónir.
Ten Hag breytti því hvernig leikmenn undirbjuggu sig fyrir leik, þeir mættu fjórum tímum fyrir leik á Old Trafford á eigin bíl. Frekar en að hittast á hóteli degi fyrir eða á morgni leikdagas.
Ten Hag krafðist þess að United myndi skipta um varamannabekk á Old Trafford, hann vildi vera nær útganginum. Þetta vildu forráðamenn United ekki gera en Ten Hag gaf sig ekki, United var með upphituð sæti fyrir sína leikmenn en ekki gestina. Kostaði það mikla fjármuni að breyta þessu.
Forráðamenn United vissu hvað þeir voru að fara út í eftir samtöl við forráðamenn Ajax, þeir sögðu þeim sögu af því þegar Ten Hag tók við þar. Hann notaði tösku merkta FC Utrecht, honum var ráðlagt að hætta því en hélt ekki. Taskan var þæginleg að hans mati og átti að nota hana.
Flestir leikmenn voru sammála því í október árið 2022 að það var rangt af Cristiano Ronaldo að neita kom inn sem varamaður í leik gegn Tottenham. Leikmönnum United fannst Ten Hag hins vegar ganga of langt í refsingum.
Hann bannaði Ronaldo að æfa með liðinu og svo fór hann að banna honum að koma inn í klefa liðsins.
Leikmenn United voru svo flestir á því að Ten Hag hefði niðurlægt Jadon Sancho og gengið alltof langt í því máli.
Meiðsli voru stórt vandamál hjá United og telja leikmenn liðsins það vera vegna þess að Ten Hag æfir alltof mikið og á of mikilli ákefð þegar stutt er á milli leikja.
Leikmenn töldu sig oft þurfa æfingar sem miða að einstaklingi frekar en liði. Einn eldri leikmaður kennir Ten Hag um tíð meiðsli, hann var látin æfa eins og tvítugir leikmenn. Eitthvað sem hann taldi tóma vitleysu.
Ten Hag vildi æfa meira þegar það gekk illa, leikmönnum fannst það skrýtið. Þeir voru oft þreyttir fyrir næsta leik eftir að hafa verið látnir æfa meira en ráð var gert fyrir. Svarið hjá Ten Hag var alltaf að enska deildin væri erfið og það þyrfti að æfa meira.
