Viðtal við bandarísku tónlistarkonuna Taylor Swift frá árinu 2011 er nú komið aftur upp á yfirborðið í tengslum við mál tónlistarmannsins Sean „Diddy“ Combs.

Í viðtalinu lýsir Swift því yfir að stefnumót með Diddy væri draumastefnumótið hennar. Rúmlega áratug síðar situr Diddy bak við lás og slá ákærður fyrir kynferðisbrot, mansal og kynlífsþrælkun

Viðtalið birtist í þættinum Rachael Ray þegar Swift var 21 árs gömul, þar bregður hún á leik í spurningaleik fræga fólksins. Swift svaraði hraðaspurningum og hélt á lofti myndum af nokkrum stórstjörnum í tónlist, þar á meðal Diddy, Jennifer Lopez og Katy Perry.

Þegar Swift var spurð hvern hún hún hefði tekið með sér á menntaskólaballið (e. prom), svaraði Swift, sem er nú 34 ára, „Þetta yrði hópur og þetta yrði mjög skemmtilegur hópur.

Stuttu seinna hélt Swift upp myndum af Diddy, Katy Perry, Jennifer Lopez, Justin Timberlake og Sheryl Crow. „Af hverju þessi hópur fólks? spurði spjallþáttastjórnandinn.

„Vegna þess að … allar þessar mismunandi ástæður,“ útskýrði Swift. „Jæja, Katy væri bara svo skemmtileg. Hún er bara brjálæðislega skemmtileg. Diddy hefur alltaf verið mjög góður við mig. Það væri gaman að hafa hann með í hópnum.“

„Hann er heiðursmaður, er það ekki? Hann er yndislegur heiðursmaður,“ sagði Ray.

Nokkrir aðdáenda Swift segja að myndbrotið og ummæli Swift eldist ekki vel.

„Um aldamótin horfðum við upp til þessa fólks, við vissum ekki hvað var í raun að gerast á bak við tjöldin.“ 

„Þegar við vorum svo barnaleg.“ 

„Þetta eldist jafnvel og mjólk.“