Dele Alli hefur gefið í skyn að hann sé að snúa aftur á völlinn eftir að hafa glímt við meiðsli í dágóðan tíma.
Alli var stórkostlegur leikmaður á sínum tíma en hann vakti athygli með Tottenham eftir komu frá MK Dons.
Miðjumaðurinn hefur upplifað erfiða tíma undanfarna mánuði og ár en hann var síðasta á mála hjá Everton.
Alli er enn aðeins 28 ára gamall en hann er fáanlegur á frjálsri sölu og gæti verið að snúa aftur miðað við nýjasta myndband hans á Instagram stories.
Alli sýndi þar sín bestu tilþrif á vellinum í treyju Tottenham og Englands og eru líkur á að hann sé að finna sér nýjan vinnustað.
Alli lék aðeins 13 leiki fyrir Everton á tveimur árum og tókst ekki að skora mark – fyrir það var hann með Tottenham í sjö ár og lék 269 leiki ásamt því að skora 67 mörk.