Liverpool þarf að sætta sig við það að Trent Alexander-Arnold mun kveðja í sumar og semja við Real Madrid.
Þetta segir fyrrum miðjumaðurinn og þjálfarinn Tim Sherwood en hann er í dag að starfa sem sparkspekingur.
Trent er sterklega orðaður við Real en hann verður samningslaus á Anfield næsta sumar og er því fáanlegur frítt.
Real er að leita að arftaka Dani Carvajal sem verður 33 ára gamall á næsta ári og verður líklega frá keppni næsta árið vegna meiðsla.
,,Varðandi Trent, ég held að hann sé einfaldlega búinn að kveðja,“ sagði Sherwood.
,,Um leið og Real Madrid bankar á dyrnar… Hann hefur unnið allt með félaginu og hefur verið frábær þjónn en ég held að þeir eigi ekki möguleika gegn Real Madrid.“